– ماوێ خواندنا دكتورایێ (٣) سالن ژ بلى (زمانێ ئنگلیزى) ، جڤاتا كولێژى ماف یێ هه‌یى بۆ جارا ئێكێ بۆ ماوێ (٦) هه‌یڤا درێژ بكه‌ت، جڤاتا زانكویێ ماف یێ هه‌یى بۆ جارا دوویێ بۆ ماوێ (٦) هه‌یڤا درێژ بكه‌ت، بۆ جارا سیێ بۆ ماوێ (٦) هه‌یڤا ره‌زامه‌ندى ژ لایى وه‌زاره‌تى دهێته وه‌رگرتن و دوماهیك درێژكرنه و دهێته هژمارتن (بێ مووچه).
– قوتابى دشیت بۆ ماوێ (٣ تا ٦) هه‌یڤا سه‌رەد‌انا زانكویا ده‌ره‌كى بكه‌ت ب مه‌به‌ستا هنده‌ك كارێ توێژینهوا خو ل وى وه‌لاتی و لدویڤ سیسته‌مێ (Sabbatical Leave) بیت و چوونا سه‌رپه‌رشتیارێ دێ ب (ایفاد) بیت ب مه‌رجه‌كێ ژ هه‌یڤه‌كێ نه‌بوریت.
– سه‌باره‌ت قوتابیێن سیسته‌مێ پارالیل چوونا وان بۆ ژ ده‌رڤه‌ى وه‌لاتى هه‌مى خه‌رجى دێ ژ لایى وان ڤه هێنه دان و چونا قوتابى و سه‌رپه‌رشتیار بۆ ژ ده‌رڤه وه‌لاتێ نه مه‌رجه.
– مه‌رجه قوتابيێ دكتورایێ ل وه‌رزێ ئیكێ دا (١٣ تا ١٥) یه‌كا وه‌ربگریت كو كو‌رسێ ئاماده‌كارى بیت بو ئه‌نجامدنا كارێ توێژینهوا و بسپوریا وورد بیت و ژ لایى سه‌رپه‌رشتیار و پشكێ ڤه دێ هێنه دانان.
– یه‌كه‌یێن ناما دكتورایێ (٤٥ تا ٥٠) یه‌كه‌نه.
– نابیت كوى گشتى یه‌كه‌یێن خواندنا دكتورایێ ژ (٦٠) یه‌كا كێمتر بیت.
– مه‌رجه قوتابیێن دكتورایێ (زانستى) پێش گه‌نگه‌شى ٢ توێژینه‌وه‌ا ژ ناما خو یا دكتورایێ به‌لاڤ بكه‌ت كو توێژینهوا ئێكێ ل گوڤارێن نیڤ ده‌وله‌تى كو فاكته‌رێ (Impact Factor) لدویڤ تومسن رویته‌رز (Thomson Reuters) بیت و تویژینه‌و‌ا دوویێ ل گوڤارێن باوه‌رپێكرى (معتمد) بیت.
– به‌لام بۆ قوتابیێن دكتورایێ (مروڤایه‌تى) مه‌رجه پێش گه‌نگه‌شى ٢ توێژینهوا ژ ناما خو یا دكتورایێ به‌لاڤ بكه‌ت یا ئێكێ ل گوڤارێن نیڤ ده‌وله‌تى (محكم) بیت و یا دوویێ ل گوڤارین زانستى (باوه‌رپێكرى) بیت.
– مولەتا خواندنا دکتورایێ دێ ب شێوێ (تفرغ تام) بیت، بەلێ بتنێ بو هەلگرێن ناسناڤێ زانستی دێ ب شێوێ (تفرغ جزئى) بیت.
